​”නැණගුණ සපුරන සුපසන් පාසලක්” යන උදාර දැක්ම පෙරදැරි කරගත් දිවුලන්කඩවල ජාතික පාසල නිල වෙබ් අඩවිය වෙත ඔබ සැම ඉතා ලැහිත හිතින් සාදරයෙන් පිළිගනිමි.
​නූතන ලෝකයේ අභියෝගයන්ට සාර්ථකව මුහුණ දිය හැකි, තාක්ෂණයෙන් හා දැනුමෙන් සන්නද්ධ වූත්, ඒ හා සමානවම මානුෂීය ගුණධර්මවලින් පිරිපුන් වූත් දරු පරපුරක් දැයට දායාද කිරීම අපගේ පරම අභිලාෂයයි. පන්ති කාමරයේ ඉගෙනුම් ක්‍රියාවලියට පමණක් සීමා නොවී, ක්‍රීඩා, කලා හා විෂය සමගාමී ක්‍රියාකාරකම් ඔස්සේ දරුවෙකුගේ පෞරුෂය පූර්ණ ලෙස වර්ධනය කිරීමට අප නිරන්තරයෙන් කැපවී සිටිමු.
​අප පාසලේ තොරතුරු, ජයග්‍රහණ සහ ඉදිරි ක්‍රියාමාර්ග පිළිබඳව දෙමාපියන්, ආදි ශිෂ්‍යයන් සහ හිතවතුන් දැනුවත් කිරීම සඳහා මෙම වෙබ් අඩවිය සක්‍රීය අත්වැලක් වනු ඇතැයි මම විශ්වාස කරමි.
​අපගේ දරුවන්ගේ අනාගතය ආලෝකමත් කරනු පිණිස ඔබ දක්වන සහයෝගය අගය කරන අතර, සැමට සුබ අනාගතයක් ප්‍රාර්ථනා කරමි!